شعر محبوب لي

الحب مثل النوم والوصل الاحلام .
. والشيين من الاحلام صد المحبيين

نوم ٍ طويل ٍ عمره شهور واعوام .
. وان قمت فـ افهمها فراق وسهر عين

وانا رقدت وعمري اربع عشر عام ..
وصحيت في شهر اربعه عام الالفين

نوم ٍ ثقيل ٍ كله احلام و اوهام ..
ونصيبي من احلامه الجانب الشين

صحّى الفراق قلوب في عكسه نيام ..
و غاب الفرح وانا بعكسه الى الحين

ياحزن كبدي حزن من ضاق ثم حام
. إخْذَتْ فروخه مادرى ليه ولـ وين

بعد ما شاف العش عيدان وعظام
.. خالي وتلفت فوق و يسار وي مين

خلا عشاها فيه و من الوطى شام .
. زبن على روحه و فل الجناحين

و يا وجد حالي وجد من نام ثم قام .
. على صياح امه وهو دون رجلين

عويق و امه تنعته والنعت سام ..
و هو خابر انه يقسم الصف صفين

حبا و صاح بصيحة ٍ تاصل الشام .
. منها تقطّع في خفوقه شرايين

على وليف ٍ قسم اظنوني اقسام .
. وا قفى وانا ما اعرف طرد المقفين

راح و ترك في صدري وسوم و اعلام .
. وصى علي طيفه وقفى بقلبين

ليته تعذّر كان ماهو بـ مّلام .
. بعد ما شاف الدرب بـ يصير دربين

اشوى عليه شوي من عظ الابهام
.. و اشوى علي شوي من دمعة البين

تمشي بنا الاقدام و الموت قدام
.. و ميعادنا يا مفرق اثنين بعدين

يا عين لا تبكين و عيونه تنام ..
عادك اذا ما خاب ظني بـ ترضين

لو الدموع اتفيد فادن الايتام
.. و لو الكلام يفيد عادت فلسطين

و لو النبات يطّلعه دمعة هيام .
. شفتوا على وجهي ورود و بساتين

الحب سجن و بعد الاحباب الاعدام .
. و قلوبنا السجّان مدري مساجين

الحب نوم ٍ عمره شهور و اعوام
.. و ان قمت فـ فهمها فراق و سهر عين

و انا تراي انعست من مدة ايام
.. لا احدن يصحيني يـ الاقدار تكفيين