(من ترك شيئا لله عوضه الله خير منه) قصه واقعيه مؤثره

اخواني ما سوف تقرأونه الان ليس من نسج الخيال او مشهد في فيلم درامي ما سوف تمر عليه اعينكم هي قصه واقعيه حصلت احد اصدقائي واحببت انقلها لكم لاخذ منها بعض الدروس والعبر وسوف انقلها لكم مثل ما قالها لي والقصه هي:

يقول انه كان في يوم من الايام جالس مع احد زملاء الدراسه معه وصاحبه هذاك متزوج وصديقي هذا لسه عزوبي وكان يومها طفشان ساله صديقه المتزوج ليش طفشان قال ابي اعيش حياة المتزوجين قال صاحبه المتزوج انا بجيب لك هديه!!! رد صاحبي وش هديتك لي؟ رد الثاني قال بجيب لك بنت..صاحبي استغرب الامر اول شي وقال له بتجيب رقمها يعني واكلمها؟ رد صاحبه وقال له لا بجيبها عشان.........!! صاحبي ما صدقه قال له المتزوج هات التلفون وبتصل عليها وبجيبها لك بكره ان شاء الله قام صاحبي وجاب التلفون اتصل هذاك على البنت واخذ منها موعد وصاحبي الى الان مو مصدق المهم جا اليوم الثاني وصديقي كان جالس في المقلط دق عليه صاحبه وقال انزل ابيك نزل صاحبي وقال له تفضل نتقهوى مع بعض رد عليه صاحبه قال له معاي ضيف قال صاحبي حياك انت وضيفك قال صاحبه البيت فاضي رد صاحبي قال لا البيت فيه اهلي ليش وش فيه؟ رد عليه صاحبه قال جبت لك الهديه رد صاحبي وقال انت كذاب وتمزح رد عليه صاحبه المتزوج قال له طل في سيارتي وتاكد بنفسك طل صاحبي وشاف انه من جد فيه بنت في السياره حط يده على راسه وقال انت مجنون تبيني اسوي شي يغضب ربي صاحبه راح وجاب البنت ووقفها قدام صاحبي كشفت البنت عن وجهها {قال لي صاحبي والله ياخالد البنت قطعه من القمر ومعاها شنطه فيه المكياج والبنت جميله من غير مكياج كيف بالمكياج} المهم صاحبي يطالع البنت وفي داخله خوف وجالس يتعوذ من ابليس ويستغفر في داخله وصاحبه من وراه يغريه والبنت يقول صاحبي بضاعه تتكلم عن نفسها ما تحتاج للمدح وبعد مده يقول صاحبي سبحان من قلب وجه البنت في نظري كانت قبل 5 دقايق ملكة جمال وانقلبت في نظري وشفتها مثل الشيطان اعوذ بالله وبعدين وانتو بكرامه بزقت فيها وفي صاحبي وطرتهم البنت غطت وجهها وراحت ركض للسياره تبكي وصاحبي المتزوج بدا يشتم ويسب انت مو رجال انت موكفو احد يجيب لك شي رد صاحبي وقال ان ما كنت رجال بنظرك انا رجال بنظر نفسي وعلاقتنا انتهت من الان (تخيلو اعزائي علاقتهم كانت من اولى ابتدائي الى ثالث ثانوي عشرة عمر) نرجع للقصه وبعدين يقول صاحبي في الليل صليت ركعتين لله ودعيت بهذا الدعاء(اللهم لك الحمد انك منعتني عن الحرام وابدلني مكانه بالحلال) بعد اسبوع من الحادثه هذيك كان صاحبي يتغدا مع اخوه قال له اخوه بكره بيجي عندنا رجال ابيك تجلس معاه قال له صاحبي طيب جاء بكره وحضر الرجال وجلس مع صاحبي يسولفون وبعدين جا الليل وفي العشا سال اخو صاحبي سال اخوه تعرف مين هذا الشخص رد صاحبي قال دايم اشوفه في الزواجات قال انا قلت لامي انا بزوج اخواني قال صاحبي طيب على بركة الله وقال واخوي يقول لي بزوجك تذكرت قبل اسبوع جاني الحرام ورفضته واللحين ربي استجاب لي وجاني الحلال طبعا صاحبي كلف زواجه فو ال100 الف ريال وصاحبي ما دفع قرش في زواجه والبنت هذيك اللي جابها له صاحبه تبي 100 ريال بس وصاحبه اللي راح يدفعها مو صاحبي والمكان كان موجود وقتها وبعدين جاء يوم زواج صاحبي ومن ضمن اللي جاو الزواج صاحبه اللي جاب له البنت جا وهو مبهذل وسحب صاحبي من كرسي استقبال المعازيم واخذه في زاويه بعيده محد يشوفهم وقال له انا طلقت زوجتي وبدا يبكي قال صاحبي ليش طلقتها حرام عليك قال تذكر الليله اللي جبت لك البنت فيها قال صاحبي ايه اذكرها قال طلعت من عندك ورحت لشقتي عشان افعل معها.....! ولقيت في شقتي منظر مريع لقيت زوجتي مع صاحبها في منظر مخل للاداب وفوق السرير رد صاحبي وقال كلمه حلوه قال له (مثل ما تدين تدان) ورجع صاحبي لداخل القصر.

وهذي كل القصه اتمنى انها اعجبتكم واستفدنا منها امر عظيم (من ترك شيئا لله عوظه الله خير منه) القصه طويله اسف عشان كذا اتمنى لكم السعاده
تحياتي

من طرف **تنهيدة قلب** الخميس يونيو 02, 2011 1:07 am

خاااااااااااااالد
للإبداع عنــــــوآآن ...ولكن الابداع عندك غيـــر له نكهه خاصه
لا مثيل لهـــــــآآآ
تأملت كثيرا كلماتك الاكثر من رائعه
تلذذت الروح بعبق جمالها
وصياغتها الاكثر من روعه حقاَ

اتمنى لك مزيدا من التقدم والتميز
دمت ودام نبض قلمك يزخر بكل ابداع وتميز بهذا القسم
الذى انشأ للمبدعين متلك..
تحياتى الك
******************************