اجمل قصيده عن الام...............

من طرف **أنين الشوق** الأربعاء أبريل 20, 2011 8:24 pm

خايف عليها من الثرى غطاهـا:::::
و الا الحصى حافيه اخاف اذاهـا
اكرم عليها بالكفـن يـا مطـوع
بالبيت ظل فراشهـا وغطاهـا
اكرم عليه بالكفـن هـذي امـي
و اشهد عليها في ما عطت يمناها
هذي الضحى واليـل يتحرونهـا
هذي السماء و نجومـه تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
ابكي عليها مـو نهـار و ليلـه
و لا سنه تمشي وعـد قضاهـا
ابكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثرالنجوم و كثر من يرعاهـا
ابكي عليها من القهر يـا دنيـا
مـن لـي انـا من لي عقـب فرقاهـا
من فتحت عينـي و لا خلتنـي
و شوفوا ولدها بالقبـر خلاهـا
هل التراب بوجهـا مـا قصـر
شفتوا ولدها كيف هـو جازاهـا
لو انهـا مكانـي مـا سوتهـا
لاكـن اعـز عيالهـا سـواهـا
يا دود يا دود شفها ذابله جنبها
انا ولدهـا و حاضـر وأفداهـا
قطعني هاك الي تبي من جسمـي
بس الكريمـه لا تجـي بحذاهـا
و وصيك امانه قل لها تعذرنـي
و تكفى تروح تحب لي ماطاهـا
ابيها تغفر لي مثـل مـا كانـت
كل خمله مني بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق ارجـع ومالقاهـا
وشلون اجي غرفتها ما هي فيها
وش عذري لسبحتها ومصلاهـا
وش اقـول انـا لدولابهـاوشنطتها
واذا سالني مشطها وحنها وعباتهـا
ومي زمزم ومصحفها والمبخـره
ورشـوشـهــا ودواهــــا
الكـل فـي غرفتهـا متفقدهـا
حتى الجدار متفطـر ويرجاهـا
الكـل يبكيهـا مهـو ناسيـهـا
يالله صبرني و شلـون انساهـا
ياليتهـا مـاراحـت وخلتـنـي
او وسعت لـي بالقبـر وياهـا
الشاعر/الحميدي الشمري

انين الشوق

للإبداع عنــــــوآآن ...ولكن الابداع عندك غيـــر له نكهه خاصه

لا مثيل لهـــــــآآآ
تأملت كثيرا كلماتك الاكثر من رائعه
تلذذت الروح بعبق جمالها
وصياغتها الاكثر من روعه حقاَ

اتمنى لك مزيدا من التقدم والتميز
دمت ودام نبض قلمك يزخر بكل ابداع وتميز بهذا القسم
الذى انشأ للمبدعين متلك..
تحياتى الك
******************************

من طرف **أنين الشوق** الخميس أبريل 21, 2011 8:02 am

مشكووووووووووووووور اخوووي عمري على المرووور.......

اجمل قصيده عن الام...............

اجمل قصيده عن الام...............

رد: اجمل قصيده عن الام...............

رد: اجمل قصيده عن الام...............