واصفح عن المخـــــطي ولو زاد قيله
2 مشترك
صفحة 1 من اصل 1
واصفح عن المخـــــطي ولو زاد قيله
ماكل من يركب على الخيل خيال
ولا كل خيل تعجبك هي أصيـله
ولاكل من يعجبك هرجه برجال
بعض العرب ملسون وايده بخيله
الكل يلبس ثوب وشماغ وعقال
وعند اللزوم افعالهم هي قليـله
الرجل تثبت له أقاويل بافعال
لاقال شئ ونفذه هودلـيله
والرجل لاشفته مع القيل والقـــال
ابعد عنه هذا صفاته عليــله
والكذب خله عنك مافاد لو طال
قولالصدق ياصاح غنم وجميـله
وخلك شجاع وذي صفات للابطال
اللي كما سيوف تبارق سليـله
واللي شراك اشريه لو كان بالمال
خلك معه وان مــــــال دور بديله
واصبر ترى الدنيا تبدل بها أحوال
وما كل شئ صافي تشـــــوفه تجيله
وبعد الكدر تشرب صفا عذب وزلال
هذا الزمن فيها ستــــقامه وميله
وصاحب خليل لو جفـاالوقتمامال
ترى الرجل يعرف بقيمةخليـله
واقفل على سرك بكتمان واقفال
بعض العرب يسمع و ينوي بحيله
وخلك أمين إذا توليت الأعمال
من خان في يوم الحشر يا حليله
خل التواضع فيك واضح بالافعال
ترى الكبر يردي بيوم وليـله
ولاتحسد اللي عنده اموال وعيال
وش ينفعك لو كان حـــسدك يزيله
ولاتزور تقلب الزين بطـال
الله عليم بالنوايا الدخـيله
وخلك رزين ترى المخفه للاطفال
واصفح عن المخـــــطي ولو زاد قيله
واحمل همومك لو تزن وزن آلآثقال
بكره تروح وتنجلي لو ثقـيله
وصل الفروض ولاتنسيك آلآشغال
محدن في الدنيـــــا درى وش بقي له
وزور آلآقارب للرحم كون وصـــــال
وخلك عظيم الشان وسط القـبيله
وصلاة ربي عد ماهل همـــــــــــــال
على النبي اللي صفـــــاته جليله
على النبي اللي صفـــــاته جليله
رد: واصفح عن المخـــــطي ولو زاد قيله
الغالي العملاق الحنون
طلة بعثرتني وفقدت آمآمهآ آبجديآتي
وحرفة آستخدآم قلمي البسيط على الصفحآت
نور الروعة حلَّ بـ المكآن
لحظة قراركِ بـ المرور بـ عبير سحرك مفتون
سعآدتي لا تصفهآ نبضآتي آمآم موضوعك
الذي فآق جمآل نصي و بدّع على صفحات سكون الليل
دمتِ لي نور قمر
يسعفني من عتمآت ليليّ
آحترامي لك
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى