انا ماني على العاده ابي حب.. وغزل.. واسرار

من طرف **تنهيدة قلب** الخميس ديسمبر 29, 2011 2:06 pm

.. .. .. .. .. .. علامك ماتبي تكتب على بيض.. الورق همّي
انا ماني على العاده ابي حب.. وغزل.. واسرار
.. .. .. .. .. .. انا ودّي مع حروفك تقوم . . . . وتتّجه يمّي
بأوضح فيك مايخفى على العالم وانا منهار
.. .. .. .. .. .. جريح الوقت والهاجوس.. في شاعرك ملتمّي
وش الحيله ليا صارت حياتي في رجا غدّار
.. .. . .. .. وش الحيله وانا صدري وسيع وضااااق من غمّي
خطاي اني تعشمت الرجوله في وجيه صغار
.. .. .. .. .. .. وسط درب الضما أضما بعد.. مااسقيتهم جمّي
عطيت ولا لقيت الا يدينٍ شحها مدرار
.. .. .. .. .. .. وانا مثل البحر يروى اليتامى من طرف يمّي
طعنّي بالحشا ]شخصٍ حشمته حشمتي للجار
.. .. .. .. .. .. حشاااا ]لاوالله الا حشمتي ]لاقرب بني عمّي
رفعته للفخر لكن على درب الفخر ماسار
.. .. .. .. .. .. بعد خوّة زمن شفته يشوف ان . . الفخر ذمّي
تعاون والزمن ضدّي وسط سود الليالي جار
.. .. .. .. .. .. حسدني لعنبو حيّه على عيشٍ . . .وسط فمّي
يقولون البدو"شبّع ذخاير بندقك لاثار
.. .. .. .. .. .. واناللي بندقي شبعت قبل ..ماتثور .."من دمّي"
ذكرت الله سبحانه وانا حاير بعد ماصار
.. .. .. .. .. .. عضيدي بالزمن هذا , ,يغيظه كسري وضمّي
حسدني في هواا بنتٍ سقتني في حشاي امرار
.. .. .. .. .. .. سقتني يومها نالت .....كرامة قولتي: سـمّي
وتراها كلمةٍ ماهي على لساني تجي تكرار
.. .. .. .. .. .. ابد ماقلتها لاحدٍ سواها . . . من بعد (أمّي)
بعد قفّت وانا قلبي تعذّب من لهيب النار
.. .. .. .. .. .. تقول ان خافقي فوقه غليظ ...الصاج لا حمّي
تبي تنسى وانا بأنسى غرامٍ في خفوقي دار
.. .. .. .. .. .. تبي تبعد وانا بأرفع .عن دروب الغلا كمّي

من طرف **تنهيدة قلب** الأربعاء يناير 04, 2012 1:45 pm

الغالي العملاق الحنون
أشكر لكِِ مرورك الباذخ
سعدتُ بتحليقك فوق كلماتي البسيطـة ...
يسمو النص ، ويعانق العنان كرم حضوركِ
معانقتك حرفي ... اطربتني
كل الود وعبير الورد

انا ماني على العاده ابي حب.. وغزل.. واسرار

انا ماني على العاده ابي حب.. وغزل.. واسرار

رد: انا ماني على العاده ابي حب.. وغزل.. واسرار