اثر الكلمه الطيبه والفعل الطيب(قصه واقعيه جدا)

اعزائي سوف احكي لكم قصه وقعت امامي لشخص طيب القلب مثلكم وشرواكم احباب قلبي كنت جالس معه في عمله كنت ابي منه غرض وفجأه دخل علينا جاره في العمل وقال له صاحبنا ياخي سلم على الاقل داخل على يهودي فرد عليه هذاك الشخص برد قبيح جدا ما اقدر اكتبه مراعاة لمشاعركم عاد انا كنت ابي اقوم اعلم هذاك الشخص كيف يرد قال صاحبي وانا اشوف الدموع على اطراف عيونه خليه ياخالد الله يهديه واسمع الشخص هذاك خارج المكان اللي انا جالس فيه وصاحبي يضحك ويكرر نفس الجمله اللي قالها لصاحبي وصاحبي يسمع ويستغفر الله ويتعوذ من ابليس وانا محترق من اجله وامس جاء عندي عزمته للعشاء وخبرني بشي غريب قال لي تذكر ياخالد الشخص اللي جرحني بكلامه قلت ايه هذاك الشخص اللي منعتني اعلمه الادب قال صاحبي ايه هو

قلت ايه وش فيه يقول صاحبي من هذاك اليوم وهو يتحرش فيني بالكلام الجارح وانا ابتسم له وادعو له بالسعاده والخير اللين جاء يوم وقال لي كلمه كبيره تمس رجولتي فقربت منه وحطيت يدي على صدره وقلت له يافلان الله يوفقك ويسعدك دنيا واخره ورحت من عنده سمعت اللي حوله يقولون له انت قليل خاتمه الرجال يعاملك بالحسنى والكلام الطيب وانت تسيء له فما كان منه الا انه جاء وتسامح مني قدام الكل وحب راسي وقال وش اللي يرضيك انا راح اعمله رد صاحبي وقال له ابيك تكون سعيد وموفق في حياتك

وهذي كل القصه

المغزى والدرس اللي نستفيده من قصة صاحبي ان بالكلمه الطيبه تكسب قلوب البشر وبالعكس تكسب عداوات

وربنا يصلح الحال

يسلمو موضوع كثير حلو يعطيك ربي العافية